لو قررت زيارة الأهرامات سواء كنت من خارج القاهرة او من داخل القاهرة فإليك دليل شامل للمساعدة في زيارة الأهرامات وركوب الخيل والجمال 🐎🐫
1️⃣ المواعيد:
من ٨ ص ل ٤ مساءا وكل ما تروح بدري كل ما يكون أفضل وتبعد تماما عن يوم الجمعة علشان تقريبا معظم محافظات مصر بتكون موجودة في الهرم ☺️
2️⃣ سعر تذكرة الدخول لمنطقة الأهرامات
للمصريين ٤٠
الطلبة المصريين ٢٠
الأجنبي ٢٠٠
الطالب الأجنبي ١٠٠
الاطفال اقل من ٦ سنوات بدون تذكرة
كبار السن بدون تذكرة
3️⃣ دخول السيارات
عاوز تدخل بعربيتك الملاكي يكون أفضل سعر دخولها ٥ج وها تدخل بيها الهرم جوا وتلفه كله كمان عادي جدا
4️⃣ بوابة الدخول
بوابه الدخول لو معاك عربيه بوابه مينا هاوس عند قسم شرطة الاهرام وماتسمعش كلام اي حد يقولك تعالي دخله الهرم يمين او شمال ادخل ولا يهمك وكمل لحد ما توصل عند بوابه دفع التذاكر
5️⃣ سعر تذكرة الدخول الأهرامات نفسها
تذكرة دخول الهرم الكبير من الداخل خوفو ٨٠ ج (اختياري) بس لازم تدفعها وانت برا خالص والا مش ها تدخل
تذكرة دخول الهرم الاوسط خفرع ٣٠ ج (اختياري) بس لازم بردة تدفعها من برا خالص والا ما فيش دخول
6️⃣ دخول الكاميرات
تيكت دخول الكاميرا البروفشنال ٢٠ ج.بس ما ينفعش تعمل سيشن خاص زى المصورين استخدام شخصي فقط
7️⃣ نصائح
يفضل ارتداء كاب علشان ها ترجع من هناك غامق درجتين ولا حاجه 😅 ونظاره شمس وملابس فاتحه خصوصا في الصيف
خروجه الهرم خروجه جميله يا ريت تروحها واستمتع بجمال بلدك ولو مش فاهم اوى في رحله الهرم استعين بحد يكون راح قبل كدا او مرافق خاص يرشدك دايما ويعرفك أزاي تلف في الهرم
8️⃣ الخيل والجمال
نجيي بقي لأهم نقطه وهي الحاجة اللي الناس دايما بتشكي منها الخيالة اللي جوا الهرم وسؤالهم دايما ليك عشان تركب حصان او جمل او كاريته ماتسمعش كلامهم لو قالك تعالي اصورك مع الجمل ولا تعالي اقولك وضع في التصوير حلو ها تعمل كدة وهاتلبس معاه هايقولك هات فلوس
طب عوزين نركب خيل وجمل نعمل ايه؟
يبقي قبل ماتركب اي حاجه تعرف بكام وتفاصل معاه حلو اوي وتعرف هاتركب من فين لفين علشان ممكن يقولك مثلا ب١٠ج هوب تلاقي نفسك مسافة ماركبت مسافة مانزلت
9️⃣
🔟
1️⃣1️⃣