موقع و تطبيق لزيادة دقة الصور بدون خسارة أي تفاصيل !❤
حبيت انزل الموضوع ده و اكلمكم عن برنامج Bigjpg
في شغل الميمز اليومي على الصفحة بصادف كتير تمبلت للميمز تفاصيلها كويسة لكن دقتها او حجمها بمعنى اصح صغير يعني مثلا 600×400 او حاجة زي كده
و دايما كنت بلجأ للابليكشن او الموقع ده الي عمره ما خذلني ولا مرة
فخليني اشرح ايه الموضوع ده في نقاط بسيطة
اولا: احب اقول ان الموقع ده مش زي Remini يعني هو مبيزودش تفاصيل على الصورة هو بيعلي دقتها فقط بدون خسارة اي تفاصيل منها مع شوية نويز كانسليشن لو حابب , تحسينه للصور بيكون اكتر في الرسومات و الانمي لانه مختص فيهم اكتر , حشرح ده اكتر النقط الجاية
ثانيا: الموقع المميز فيه و الي مخليني استخدمه دونا عن ابليكشنز ومواقع تانية كتير هو انه متاح اسخدامه من كل منصة حرفيا
تقدر تستخدم الخدمة عن طريق الموقع Bigjpg.com
و في متاح انك تنزل ابليكشن للويندوز و الماك و الاندرويد و الios !!
ثالثا: انه بيديلك عدد 10 صور كل يوم بدون اعلانات او اي حاجة لو انت مستخدم مجاني
رابعا: لو اكلمنا عن واجهة استخدامه هي بسيطة جدا انت بترفع الصورة و بتختار هي photo يعني صورة حقيقية ولا Art . بعدين بتختار انت عاوز الصورة دي حجمها يضاعف قد ايه و عاوز تكنسل نويز ولا لا و حدة كنسلة النويز
البرنامج بيضاعف الصور للاستخدام المجاني لحد x4 و فلوس متاح لx16 !!
بس انت كده كده تقدر تاخد الصورة بعد ما اضاعف حجمها و تضاعفها تاني يعني لو انت مجاني
البرنامج شغله كويس جدا في الصور الحقيقية
وبيتميز اكتر في الart انت لو عاوز تضاعف حجم صورة ديزاين خلفية مثلا اي حاجة مش حقيقية ديزاين الخ , بيضاعفه لك و بيحسن لك جودته جدا
رابط الموقع رفع دقة جودة الصورة:
رابط التطبيق رفع دقة جودة الصورة للأندر ويد:
رابط التطبيق رفع دقة جودة الصورة لأيفون وايباد: